22 красавіка сустрэча гік-каміт. Аўтаматызацыя распрацоўкі з дапамогай Jenkins [для пачынаючых]

Апублікавана

by — Posted in geek commit, гік-лікбез, прылады і вэбсэрвісы

На гэты раз у красавіцкую нядзелю мы будзем прысвячаць час аўтаматызацыі распрацоўкі з дапамогай Jenkins (далей, Джэнкінс), а таксама ўзаемадзеянню гэтай прылады з сэрвісам рэпазіторыяў на github (Гітхаб) для вырашэння практычных задач, якія ўзнікаюць у каманды Лічбавай майстэрні.

Для каго

Запрашаем дэвопсаў, распрацоўшчыкаў, якія хочуць аптымізаваць працу з кодам, а таксама пазнаёміцца з дзейнасцю каманды Лічбавай майстэрні.

Ад сустрэчы мы чакаем актыўнай уцягнутасці ўдзельнікаў мітапа ў выкананне некалькіх рэальных задач, дэманстрацыі вынікаў і плённай камунікацыі.

Сустрэча нацэлена на практыку. Гэта значыць, варта ўзяць з сабой ноўтбукі, таму што будзем гугліць і спрабаваць розныя рашэнні.

План сустрэчы

  1. Узгадваем тэорыю. Асноўныя паняцці Джэнкінса (ноды, джобы і т.п.).
  2. Як у нас упаў Дранік-сэрвер пасля ўстаноўкі Джэнкінса і як мы вырашылі гэту задачу.
  3. Чаму нам патрэбны вэб-хукі на гітхабе?
  4. Першасная канфігурацыя Джэнкінса.
  5. Злучаем Джэнкінс са стэйдж сэрверам. Устанаўліваем ключы ssh. Наогул пагаварым пра ssh-ключы на гітхабе.
  6. Выконваем разгорванне праектаў з dev галіны рэпазіторыя гіт-хаба на стэйдж сэрвер.
  7. і іншыя…

Дата: 22 красавіка
Пачатак: 10:50
Працягласць: 3 гадзіны
Месца: вул. Кастрычніцкая, 16А, eventspace.by (шкляны пакой).

Арганізатар – Лічбавая майстэрня. Інфраструктурным партнёрам сустрэч гік-каміт выступае пляцоўка eventspace.by. Інфармацыйным пaртнер – dev.by

Уваход бясплатны, але колькасць месцаў абмежавана. Неабходна зарэгістравацца.

Даведка:

Гік-каміт – гэта сустрэчы каманды Лічбавай майстэрні, для айці-спецыялістаў і грамадскіх ініцыятыў. Кожная сустрэча прысвечана асобнай тэме. Тэмы могуць вагацца ад вузка тэхнічных да шырока сацыяльных. Тэмы сустрэч задаюць актыўныя ўдзельнікі супольнасці айціваланцёраў Лічбавай майстэрні.

 

Калі вы знайшлі памылкі, калі ласка паведамьце нам гэты тэкст, націснуўшы Ctrl+Enter.

Дзяліся:


ryzomych
рухавік і заснавальнік Фаланстэра. Цікаўлюся сацыятэхнікай, лічбавымі правамі і роварамі.

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *