Doika. Выкарыстай магчымасць запусціць краўдфандынг на сайце сваёй грамадскай арганізацыі ўжо летам

Апублікавана

by — Posted in магчымасці, нашы прадукты, праекты

Каманда распрацоўшчыкаў Лічбавай майстэрні стварыла адкрытае рашэнне – модуль для працы з прыёмам і кантролем ахвяраванняў на сайце арганізацый.

Модуль Doika – опэнсорснае і бясплатнае рашэнне, якое могуць выкарыстоўваць усе ахвочыя арганізацыі і паставіць самайстойна сабе на сайт.

Для большай папулярызацыі магчымасці і ўстойлівасці на пачатку мы гатовы суправаджаць пяць першых арганізацый бясплатна, якія плануюць і гатовы пачаць выкарыстанне модуля ўжо ў канцы лета.

Астатнім арганізацыям мы таксама будзем прадастаўляць кансультацыі па меры наступлення чаргі, у залежнасці ад магчымасцяў.

Для таго, каб мы разумелі вашу ступень гатоўнасці, неабходна запоўніць анкету і пакінуць кантакты, каб мы маглі найбольш хутка пачаць працу.

Збор анкет на пілот ажыццяўляем да 30 ліпеня.

Калі вы знайшлі памылкі, калі ласка паведамьце нам гэты тэкст, націснуўшы Ctrl+Enter.

Дзяліся:


ryzomych
рухавік і заснавальнік Фаланстэра. Цікаўлюся сацыятэхнікай, лічбавымі правамі і роварамі.

4 думак пра “Doika. Выкарыстай магчымасць запусціць краўдфандынг на сайце сваёй грамадскай арганізацыі ўжо летам

  1. А лагатып і назву не плануецца перагледзець? Хто пагодзіцца ахвяраваць грошы, калі яму ў вочы кажуць: “мы вас доім” ? Вы сур’ёзна?

    1. Прывітанне, Алеся,

      Дзякуй за пытанне. Але мы не бачым праблемы ў тым, што ёсць такая назва і такі лагатып. Мала таго, ён нас натхняе працаваць і прыцягваць новых валанцёраў да справы.

      Тут трохі дэталяў да вытокаў назвы.

      Нядаўна быў на вёсцы ў знаёмых, даіў карову Зязюлю. Вельмі інтымны працэс дарэчы. Калі карову не падоіш ёй балюча, дарэчы даіць таксама не з лёгкіх. Але…

      Вядома, вынік дойкі – гэта малако. Малако дае жыццё і моц, жывіць развіццё кожнага. Камандзе Doika важна змяніць адносіны не толькі да таго, што грамадства, дапамагаючы, робіць добра сабе, але і саміх грамадскіх арганізацый, якія доўгі час не залежылі ад грамадства (свайго кола падтрымкі).

      Назва Doika і лога – індыкатары трансфармацыі разумення важных адносінаў у грамадстве і набліжэння да каранёў. У Doika ёсць дзеяслоў Do – рабіць. Наогул, мы пілоцілі модуль, і наша аўдыторыя прыняла назву*.

      Калі захочаце больш расповяда, я расшару вам спасылку з разгорнутым апісаннем у блогу. Мы таксама зараз робім прома відэа каб лепей паказаць нашу пазіцыю.

      *Калі зусім турбуецеся. Рашэнне опен сорснае яго выгляд можна змяняць. Але назва праекта і лога такім застанецца=)

      1. Дзякуй за адказ, Міхаіл. Выдатна, што за гэтым схавалася такая канцэпцыя, добра, што будзеце даносіць яе да карыстальнікаў. Без гэтага нельга. Цікава пачытаць тое разгорнутае апісанне, бо пытанні ў мяне яшчэ застаюцца. Пра даенне каровы ведаю, досвед таксама маю)

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *